يعني هيكون فيه اعلانات على الفيديوهات وكمان هيكون فيه ارباح لكل الف مشاهدة او عائد لكل الف مشاهدة في التيك توك لكل الناس اللي بتعمل فيديوهات على التيك توك نركز بالله عليكم فيه ارباح حقيقية فعلا هتكون قريب جدا جدا يعني لازم تبدأ تجهز نفسك من دلوقتي حالا لان فعلا الموضوع كويس جدا وهيكون بنفس طريقة الربح من اليوتيوب وبشكل مستمر فلو كان عندك حساب على التيك توك كمل معي.


موضوع الربح من tik tok بكل بساطة هنتكلم في اول حاجة كده الشروط ايه هي الشروط 10.000 متابع وعندك 100.000 مشاهدة في اخر 30 يوم اخر شهر وطبعا الشروط دي حاجة تافهة جدا جدا في التيك توك طبعا 10.000 متابع في التيك توك بيساوى ممكن يكون 500 او 600 مشترك في اليوتيوب لان متابعين التيك توك زي ما انت عارف ممكن يكون عندك حساب على التيك توك فيه 300 و 400 الف متابع وفيه طبعا ملايين المشاهدات كل حسابات التيك توك او معظمها بتكون بالطريقة دي.

 وموضوع ان هيكون عندك عشر الاف متابع و 100.000 مشاهدة في اخر شهر فهوموضوع بسيط جدا جدا لمعظم الناس تمام.

 بالنسبة للشروط هي عشر الاف متابع ومية الف مشاهدة في اخر تلاتين يوم طيب دي بالنسبة للشروط علشان تربح من ايه هتربح من ايه بالضبط من صندوق دعم منشئي المحتوى في التيك توك هو اسمه كده طيب الصندوق ده فترة وهيخلص لأ هيكون مستمر على طول الصندوق ده قيمته يعني بتقارب المليار دولار يعني هيكون فيه ارباح عادية جدا وعاوز اقول لك حاجة بسطة في البداية يعني التيك توك بدأ خلاص انه يشتغل بنفس طريقة اليوتيوب يعني مش هينفع يتراجع تاني هيكون فيه ارباح مستمرة والموضوع هيتطور بشكل كبير جدا في المستقبل القريب جدا هيكون فيه حاجة زي ادسنس وهيكون فيه ربح من اليوتيوب بشكل مستمر ونفس الطريقة بالضبط. طيب بالنسبة لصندوق دعم منشئي المحتوى من التيك توك. 

انا اشترك فيه ازاي فيه خبرين بقى واحد حلو وواحد وحش في المنطقة دي الخبر الاول اللي هو اللي مش حلو يعني فيه دول معينة هي اللي تنفع لو انت مقيم في احد الدول دي تقدر انك تشترك في الصندوق ده لو انت خارج الدول دي مش هتقدر تشترك في الصندوق ده والخبر الحلو ان الموضوع ده هيكون في العالم كله قريب جدا جدا جدا فلازم تبدأ تجهز نفسك من حاليا حاليا هو مش متاح في الوطن العربي لكن متاح فيه دول معينة وهي امريكا طبعا والمملكة المتحدة والمانيا وايطاليا وفرنسا واسبانيا طبعا فيه عرب كتير جدا في ايطاليا وفرنسا واسبانيا يقدروا يستفادوا من الموضوع ده حاليا اما الوطن العربي فالموضوع هيكون قريب جدا.

 طيب الارباح هتكون ازاي في الموضوع ده الارباح هتكون اربعة سنت لكل الف مشاهدة يعني انت هنا بتتكلم هي نفس ارباح اليوتيوب ازاي الارباح في اليوتيوب في الوطن العربي بتكون بين الخمسين سنت او الاربعين سنت لحد الدولار او اكتر لكن معظم القنوات بيكون ما بين الخمسين سنت والدولار طيب ده بالنسبة للالف مشاهدة تمام جدا ما هوالالف مشاهدة في التيك توك باربعة سنت فقط لكن انت عارف وانا عارف والاخ اللي هناك ده عارف كل الناس عارفين ان الالف مشاهدة في اليوتيوب بتوازي عشرة الاف مشاهدة في التيك توك وانت عارف الكلام ده فلو حسبت العشرة او الخمستاشر الف في اربعة سنت بيساووا اكتر من خمسين سنت يعني انت بتتكلم في ستين سنت لو خمسة عشر الف مشاهدة يعني هي نفس القيمة اللي هترجع لك في التيك توك او بنفس قيمة الربح من اليوتيوب بالظبط.